المغربية هدى مجد: ماتخافوش وفرشو المغتصبين وماعمركم تلومو راسكم واخا تكونو مشيتو برجليكم عندهم -فيديو

مازال الصداع نايض في مصر، بسبب الوحش لي تشد بتهمة الاعتداء الجنسي على أكثر من 100 بنت وولد في الجامعة الامريكية ديال القاهرة، وهاد الموضوع عطا الثقة لبزاف ديال الناس باش يحطو شكايات ومنهم مشاهير گاع.
ملكة جمال العرب، الممثلة المغربية هدى مجد، لي كتعيش في مصر حتى هي دوات في الموضوع وحطات فيديو على حسابها في انستكَرام، كتهضر فيه على هاد المصيبة الكبيرة.
هدى مجد، طلبت من الضحايا ديال الاغتصاب ما يخافوش ويديرو شكاية، واخة يكونو ماشيين برجليهم لعند المغتصب ولا لابسين أي حاجة، لان هادشي ماشي مبرر ديال الاغتصاب.