لعاب التنس إليوت بنشيتريت غادي يمثل المغرب فالمنافسات الكبيرة: غادي نبدل جنسيتي الرياضية ونهدي فوزي للمغرب

علن لاعب التنس الفرنسي، إليوت بنشيتريت، أنه ف1 يناير غيبدل الجنسية ديالو الرياضية، وغيمثل ابتداء من هذ النهار المغرب فالمنافسات الجاية، وهذا غيكون تغيير كبير فمسيرتو الرياضية.
اللاعب، البالغ من العمر 22 عام، تزاد ف"نيس" وهو من أصول مغربية من الوالد ديالو، ودابا قرر أنه يلعب بألوان المغرب فكأس "ديفيس" والألعاب الأولمبية ومنافسات أخرى، إلى تأهل.
وكتب اللاعب على حسابو ف"أنستكَرام"، أنه: "غنلعب من أجل المغرب، مسقط رأس والدي، وغيكون لي الشرف نمثل بلادي فكأس "ديفيس" والألعاب الأولمبية...".
ووضح بنشيتريت أنه غيبقى مازال فرنساوي، لكن غيدافع على حقو فحمل راية المغرب فملعب التنس، "أنا كنشكر فرنسا لأنها ساهمات بشكل كبير فتكويني، لكن إلى كنت كنقلب على مرتبة عالية، خاصني نبدل شي حاجة..."، حسب تعبيرو.
https://www.instagram.com/p/CJOnCEogHZk/?utm_source=ig_embed
وفاتصال ليه ب RMC Sport، أوضح إليوت بنشيتريت أنه "اختيار وصل لمرحلة النضج... كنت كنفكر فيه منذ فترة طويلة، وهذا هو المكان اللي تزاد فيه الوالد، ووالديا يمكن غيكونو بغاو يجيو ليه... أنا جيت ليه مؤخرا وعجبني بزاف".
وقال أنه إلى كان بغا يولي من اللعابة المية الكبار، لكن لهذشي خاصو دعم حقيقي، وخاصو يجرب أمور جديدة.
وإيليوت بنشيتريت كيحتل المرتبة 223 على مستوى العالم، وهو كاين فالحلبة الاحترافية منذ عام 2016. وكان حصل على أفضل نتيجة ليه عام 2019 بالتأهل للدور الثاني من بطولة رولان جاروس. وكان تفوق على البريطاني كاميرون نوري (6-3 ، 6-0 ، 6-2) قبل ما يخسر أمام الصربي دوسان لاجوفيتش (6-3 ، 6-3 ، 6-4).
كان إليوت بنشيتريت تعرف بسمعة خايبة عام 2020، وجر عليه الانتقادات بعدما طلب من البنت اللي كتجمع الكرات باش تقشر ليه بانانة فبطولة "أوبن" فأستراليا، والحكم ماكانش عجبو الحال، ودار فيه وقاليه يعتمد على راسو.
هنا مقال RMC Sport وتصريح بنشيتريت الكامل فالموضوع:
https://rmcsport.bfmtv.com/tennis/tennis-benchetrit-va-desormais-jouer-pour-le-maroc-2023561.html#