كَاد المالح: المونطاج يقدر يقتل الواحد.. والاتهامات بشفرة السكيتشات هلكاتني ورجعاتني بحال شي مجرم

عبر الكوميدي المغربي كَاد المالح على الأسف ديالو من داكشي لي تعرض ليه والاتهامات لي توجهات ليه في قضية شفرة السكيتشات، وقال أنه بالمونتاج نقدرو نقتلو الواحد، وأن هاد القضية هلكاتو نفسيا وصحيا.
وقال المالح في برنماج "Sept á Huit" على قناة "TF1′′ الفرنسية :"الأمر صادم بزاف، وبزاف بداو كيدويو عليا بحال شي مجرم لكن عمرني ما حشمت من هادشي لي وقع".
وأضاف كَاد المالح :"المعاناة ديالي مجاتش من العناوين الكبرى، ولكن من الناس لي كانو في جنبي ولي مقدرتش نعول عليهم، والحمد لله ملي جات الأزمة وعرفت بنادم على حقيقتو وتأكدت ان شي وحدين دايرين بيا مايستاهلوش".
گاد وبكل شجاعة اعترف :"كنت ضعيف هاديك الوقت، كان ممكن نقول جوج كلمات وسالينا.. كون جا هادشي دابا القضية غادي تكون مختلفة".
https://www.instagram.com/p/CJ5WftTCIMX/?utm_source=ig_web_copy_link