البي جي دي معجباتوش الخرجات الاعلامية لرئيس مكتب الاتصال الاسرائيلي.. وبنكيران لگوفرين: خودو الدروس من المغرب وتعاملو مع الفلسطينيين كيف كتعاملو مع باقي المواطنين

حزب العدالة والتنمية معجباتوش الخرجات الاعلامية لي دار رئيس مكتب الاتصال الاسرائيلي فالمغرب ديفيد غوفرين. ردات عليه الامانة العامة والتنمية بتأسيس لجنة مركزية تدعم القضية الفلسطينية.
رد عبد الإله بنكيران، رئيس الحكومة السابق وزعيم العدالة والتنمية، على ديفيد غوفرين رئيس مكتب الاتصال الاسرائيلي بالرباط، بسبب تصريح الأخير بالقول إن العدالة والتنمية يعارض استئناف العلاقات مع اسرائيل.
و قال بنكيران ، في كلمة له يوم الخميس الماضي، أن "السفير الإسرائيلي ولا يفتي فينا وقال العدالة والتنمية ضد التطبيع وهادي فاهمها، ولكن زاد قالي غادي يولفو من بعد"، موضخا :"غايولفو شغانولفو السيد السفير و لا القائم بالأعمال .. نهار نشوفوكوم كتعاملو مع الفلسطينيين بحال كتعاملو مع عموم المواطنين و إيلا بغيتو تاخدو الدروس خودوه من المغرب كيفاش كيتعامل مع اليهود ديالو".

و أضاف بنكيران ": ملي كتقتلو واحد من الفلسطينيين بحال قتلتو ولدنا .. المغرب هادا .. ما كيتفرضش عليه حتا شي حاجة بمنطق القوة و السلام"، مردفا :"هادي اقدم دولة في العالم، وهادي غير 1000 عام مكانش فرنسا فالوجود، وهادشي حافظو".
وتابع بنكيران "هاد أزمة التوقيع بينات بلي معظم المشارقة لا يفقهون ومكيحشموش شي وحدين فيهم ناضو كيهجمو البلاد قللو الحياء على امير المؤمنين ونساو كولشي، ونساو ان سيدنا بلي قال موقفو من فلسطين متغيرش".