التغماوي قرر يخرج من المواقع الاجتماعية ومضارب مع متتبع: يلا ما عجبتكش سير فحالك عطيني التيساع

سعيد تغماوي، الفنان الفرنسي من أصول مغربية، قرر يخرج من كَاع مواقع التواصل الاجتماعي، باستناء انستكَرام.
قرار تغماوي جا بعدما ولاو مواقع التواصل، حسب رأيو، كيضيعو الوقت بزاف للناس، وقال باللي أي حاجة مقدمة للناس فابور خاص يعرفو راسهم راه هوما السلعة.
تغماوي دار لايف فانستكَرام، وقال للمتتبيعن أنه بقا ليه غير انستكَرام هو الوحيد اللي غا يخلي، حيت المتتبعين تاعو طلبوه يبقا، وضارب مع شي معجب طالبو بالرحيل حتى من انستكَرام، وقال ليه: "اللي ما عجبوش يمشي فحالو ويعطيني التساع".
الفنان، اللي غادي يصدر كتاب فشهر ماي الجاي، دخل فشد ليا نقطع ليك مع المتتبعين ديالو اللي كيدويو على الأزمة بسبب كورونا، وقال ليهم "سيرو شوفو ناس هايتي كياكلو تراب بكثرة الجوع سيرو حمد الله اللي عندكم تلفونات وانستكَرام وكَالسين طالقين رجليكم".