دارت فيديو ف"انستكَرام". المتخلف(ة) صوفيا طالوني هي السبب فحملة التشهير اللي طالت المثليين المغاربة.. بلا حشما بلا حيا شجعات الناس يدخلو لتطبيقاتهم ويشوهوهم و"مالي" استنكرات

الهجمة اللي هجمو المتخلفين على المثليين والترانس فتطبيقات خاصة بيهم كانت سبابها المتحولة صوفيا طالوني، اللي حطات فيديو على صفحتها فأنستكَرام، كتشجع فيه المغايرين باش يدخلو للتطبيق من باب الاكتشاف والفضول وحتى التبركَيكَ، وكتقول للبنات يدخلو باش يحصلو رجالهم فيه.
هذ السيدة اللي عندها خلل فالهوية ديالها الجنسية والجندرية، حيت مرة تقول على راسها "راجل مثلي جنسي"، مرة كتقول أنها "مرا متحولة جنسيا" (وبحكم أن مسميا راسها صوفيا ودايرة عمليات فغنتكلمو عليها بصيغة المؤنث احتراما لكَاع الميولات)، ضربات الطر للمثليين وشوهاتهم، من بعد ما حطات فيديو لايف على الكونط ديالها اللي عندها فيه أزيد من 560 ألف متتبع.
وطلبات صوفيا من البنات اللي كيتابعوها باش يقيدو أسماء 3 ديال التطبيقات كيكونو فيها المثليين، من ضمنهم واحد التطبيق (معروف بالتطبيق الأصفر) هجمو عليه بزاف ديال الناس، وخداو تصاور عباد الله وناضو يلوحوهوم فالكَروبات ف"فايس" و"تويتر" باش يشوهوهم فيها، ويشهرو بيهم، ويسبوهم ويشتموهم، وهذشي سبب ليهم فمشكل كبير، وخصوصا مع عائلاتهم.
جمعية الحركة البديلة من أجل الحريات الفردية "مالي"، اللي معروفة بدفاعها على الأشخاص اللي عندهم ميولات جنسية مثلية، على اعتبار أنهم ينتمون لهذ المجتمع وكيتمتعو بنفس الحقوق اللي كيتمتعو بيها الآخرين ومن حقهم يحميو حياتهم الخاصة، (هذ الجمعية) دخلات على خط هذشي اللي وقع للمثليين من بعد ما اطلعات على الفيديو ديال صوفيا طالوني، لكن ماذكراتهاش بالإسم.
واستنكرات الجمعية، فتدوينة فالصفحة ديالها الرسمية على موقع التواصل الاجتماعية "فيسبوك"، التصرف اللي دارتو صوفيا، وقالت بللي بحال هذ الأعمال "مرفوضة وغير مبررة على الإطلاق، وهذا تحريض على الكراهية والعنف"، حيت هذشي "خلا شي وحدين يدخلو الليزابليكاسيون ويديرو فو كونطات باش يعرفو شكون اللي مثليين تما، ويشوهوهم ويفضحوهم فمواقع التواصل الاجتماعي".
بدورهم مجموعة من المثليين على مواقع التواصل الاجتماعي قالو بللي عيب هذ السيدة تدير فيديو وتشوه بيهم، وقالو بللي من المستحيل تكون منهم، بحكم أن أي شخص مثلي أو ترانس مايبغيش لخوتو يتم التشهير بيهم وإهانتهم وانتهاك خصوصيتهم.
والمثليين، فمجموعة من المنشورات، حاولو يلقاو لصوفيا تبرير، وقالو بللي ممكن ماعرفاش شنو المشكل اللي تسببات فيه لهذ الناس، أو ماواعياش بيه، أو ممكن عندها حقد دفين للمثليين والترانس فقط لأنها معروفة وبغات كلشي يتعرف معاها، أو حيت فقرارة نفسها كتعتبر المثلية والتحول الجنسي شي حاجة ماشي نورمال، واخا هي كتنتمي فمجتمع "الميم".
ورجحو كذلك، فالتدوينات والتعليقات دائما، يكونو "شي بنات كيعايروها وكيقولو ليها بللي صحابهم رجال عليها" كيف قال تماما فالفيديو، وعلى هذشي قررات تفضح هذ "صحابهم"، وتبين للعالم بللي ماشي بوحدها اللي هكذا، واخا هذي مسألة عادية والناس فالعالم بأسره مختلفين فشلا حوايج وماشي غير فالميولات الجنسية، وماشي بالضرورة كلشي يكون بحال بحال.
المشكل اللي تسببات به صوفيا لهذ الناس ماكيوقفش هنا فقط، فماشي غير حيت هي معروفة وخانزة فلوس وعندها اللي مكاليها وماعندها حتى مشكل تبان للعالم بوجه مكشوف هذ المثليين لوخرين ماشي كلهم محميين، بزاف منهم ماشي فقط غير غيتم التشهير بيهم، ولكن يقدرو يكونو عرضة للمتابعة القانونية استنادا للفصل 489 من القانون الجنا