لاول مرة فالمغرب.. تيست الكشف على السيدا غادي يولي يتباع غير فالفارماسي

قريب غيكونو اختبارات سريعة ديال السيدا كيتباعو فالفارماسيانات، من بعد ما خداو الأوكي من وزارة الصحة.
وحسب المعلومات اللي جابتها "تيل كيل"، فتسويق هذ المنتوج للمغرب استغرق عامين دالوقت قبل اعتمادو، من بعد الدراسة اللي دارتها جمعية محاربة السيدا ALCS، مع 4000 عينة تم توفيرها للمغرب من طرف الصندوق العالمي لمكافحة السيدا.
هذ التيستات، اللي كانو موجودين فميريكان من 2012 وففرنسا من 2015، كيمكنو المواطنين باش يديرو اختبار بطريقة ساهلة، ويعرفو واش مقيوسين بفيروس فقدان المناعة المكتسبة ولا لا، بلا مايمشيو لمختبر التحاليل.
وفهذ الصدد قال هشام الحبابي، رئيس M2H ل"تيل كيل"، أنه غادي يتباعو هذ التيستات فالفارماسيانات ب195 درهم، وهوما تيستات ديال اللعاب، بحيث كيمكن تكشف على وجود اجسام مضادة لفيروس نقص المناعة المكتسبة، بحيث إلى توجدات أجسام مضادة فهذا كيعني الإصابة.
وزاد أن النتيجة دالتيست كتخرج بعد 20 دقيقة، وصحيحة بنسبة 99 فالمية.
باقي التفاصيل هنا:
https://mobile.telquel.ma/2021/04/14/bientot-des-autotests-de-depistage-du-vih-dans-les-pharmacies-marocaines_1718226?fbclid=IwAR0jcLnLdW7v8OxKsKrQFK0UQqSZ6zAn3I_n9_YuLwyUtZhl0mxokcAp3rY