لاربيتر ديال ماتش دالكورة تيرا بالقرطاس باش يوقف الروينة وسط التيران – فيديو

اضطر أربيتر ديال الكرة يتيري القرطاس ف السما بسبب أحداث الشغب بعد ماتش ديال الكرة ف تيران بمدينة "لاإنترادا" (La Entrada) ف منطقة "كوبان" (Copán) غرب الهندوراس.
الفيديو اللي انتاشر في الأنترنت كايبين كيفاش نزلو المشجعين للتيران بعدما سالا الماتش بين جوج فراقي، واللي كانو كاعيين وما عاجباتهمش قرارات الحكم.
شوية تسمع صوت القرطاس وكلشي تخلع، وبان في الأخير أن الحكم هو اللي جبد الفردي وبدا كايتيري.. وبداو عليه شي وحدين من الحاضرين بالسبان ولكن من بعدها كلشي بدا كايخوي التيران.
وللإشارة ف دولة الهندوراس هي من بين الدول اللي فيها السلاح غير مشتت ومعدلات الجريمة طالعة بزاف خصوصا بالنسبة لجرائم القتل العمد. جارتها السلفادور هي اللولة ف العالم و من بعدها مباشرة كاتجي الهندوراس.
En el vídeo se observa al árbitro con pistola en mano, mientras los futbolistas se separaran para evitar una tragedia en La Entrada, Copán. Aquí los detalles: https://t.co/dhUSdqxunL pic.twitter.com/Q2tuVxhlZA
— TN5 (@TN5Telenoticias) August 16, 2021