بوريطة غادي لإسرائيل باش يفتاتح مكتب الاتصال المغربي بشكل رسمي فالسيمانات الجاية وقريب يتحلو السفارات بين البلدين

قال مسؤول إسرائيلي لوكالة الأناضول، أن المغرب والبحرين قريب يحلو السفارات ديالهم فتل أبيب.
وقال حسن كعبية، المتحدث بلسان وزارة الخارجية الإسرائيلية لوسائل الإعلام العربية: "فالسيمانات القليلة الجاية، غيزور وزير الخارجية المغربي، ناصر بوريطة، إسرائيل، من أجل افتتاح مكتب الاتصال الجديدة فتل أبيب".
وكشف المسؤول الإسرائيلي أنه فهذ السيمانات غيتم رفع مستوى تمثيل مكتبي الاتصال فالرباط وتل أبيب إلى سفارة كاملة.
وقال: "بموجب الاتفاق الموقع بين إسرائيل والمغرب، غيتم إقامة علاقات دبلوماسية كاملة بين البلدين".
كيف عبر كعبية على إشادتو بتقدم العلاقات بين إسرائيل والمغرب، وقال "دار وزير الخارجية يائير لابيد زيارة تاريخية للمغرب السيمانة اللي فاتت، وهي أول زيارة لوزير خارجية إسرائيلي للمغرب من 2003".
وزاد "فالزيارة تلاقا وزير الخارجية لابيد بزاف ديال الوزرا، بحال وزراء الخارجية والسياحة والعمل، وهذشي كيدل على التقدم الكبير فالعلاقات بين البلدين".
واعتبر كعبية أن "السلام بين إسرائيل والبحرين والإمارات والسودان، كيختلف على اللي بين إسرائيل والمغرب"، حيت على عكس هذ البلدان، كانت علاقة ديبلوماسية مع المغرب حتى لعام 2000 وحبسات، قبل ما تجدد العام اللي فات".
وصبح المغرب رابع دولة عربية كتطبع مع إسرائيل العام اللي فات.
https://www.aa.com.tr/ar/%D8%A5%D8%B3%D8%B1%D8%A7%D8%A6%D9%8A%D9%84/%D8%A7%D9%84%D8%A8%D8%AD%D8%B1%D9%8A%D9%86-%D9%88%D8%A7%D9%84%D9%85%D8%BA%D8%B1%D8%A8-%D8%AA%D9%81%D8%AA%D8%AA%D8%AD%D8%A7%D9%86-%D9%82%D8%B1%D9%8A%D8%A8%D8%A7-%D8%B3%D9%81%D8%A7%D8%B1%D8%AA%D9%8A%D9%86-%D9%81%D9%8A-%D8%AA%D9%84-%D8%A3%D8%A8%D9%8A%D8%A8/2340030