[email protected] تحولات قصة شاب مغربي حرگ معاه الكلب ديالو للصبليون إلى مادة اخبارية دايرة البوز ف عدد من وسائل الإعلام الاسبانية بسبب تفاصيل هاذ القصة اللي بدات قبل 3 ديال السيمانات، تقريبا مع وصول ياسين اللي كيبلغ 21 عام للتراب الاسباني حارگ ف فلوكة بعد رحلة بقاو فيها موضرين داخل البحر مدة 36 ساعة. ياسين غير وصل وشدوه "لاگوارديا سيبيل" مع حراگة اخرين ولقار راسو بلا الكلب ديالو ف مركز المهاجرين بمنطقة تشيكلانا وما بقا سمع خبار على "أوسكار" اللي عندو 3 شهر. الكلب "أوسكار" كان كيتسناه مصير القتل الرحيم، لكن ضابط شرطة اسباني بقا فيه وخاذو عندو للدار باش يتهلا فيه. وبعد ما زارت ياسين قريبة ليه باش تعطيه الحوايج جابت ليه مقال كاتبو صحافي عن البوليسي الاسباني اللي انقذ الكلب من الموت، وعيط ياسين للعائلة ديالو ف الجديدة باش يصيفطو ليه لوراق ديال الكلب. قريبة ياسين قدرات تتصل بالبوليسي وتشرح ليه قصة المالك الاصلي ل "أوسكار" والبارح الثلاثاء تم اجراء مكالمة عبر الفيديو بين ياسين والمفتش گاليندو وحليمة اللي كانت كترجم. ياسين شكر البوليسي على كلشي وقدر يشوف الكلب ديالو وبقا كيبكي، وفي الأخير المفتش گاليندو عطا وعد ان غير ظروف ياسين تقاد من الناحية القانونية غادي يرجع ليه "أوسكار" واخا تعلق بيه بزاف ما دام هو المالك الشرعي ديالو.. رابط الخبر والفيديو https://www.niusdiario.es/espana/andalucia/yassin-chico-patera-perro-agradece-policia-salvar-vida_18_3228496651.html
