مقتل طالب مغربي بالصين على يد زميلو في السكن اللي كيتسناه الاعدام على هاد الجريمة

طالب مغربي كيقرا في الصين قتل طالب آخر، ساكن معاه في نفس الدار.
المغربي اللي قتل زميلو في السكن، سميتو ياسين، ومن موالد طنجة ودابا راه مشدود عند البوليس. ومشاو بعض الطلبة صحابو يشوفو شنو كاين، ولقاوه فحالة هستيرية وما عاقل على حد ولا حتى حاجة، معاقلش انه قتل الزميل ديالو اللي سميتو سليم.
والبوليس الصيني شد حتى صحابهم المغاربة باش يحقق معاهم وخدا البصمات ديال الجميع.
جريمة القتل في الصين تعد سبب من أسباب تنفيذ حكم الإعدام، والقانون الجنائي عندهم ينص على حوالي سبعين جريمة، منها التزوير وتهريب الذهب مرورا بالسرقات المالية ولكن في أغلب الأحيان كتنفذ الأحكام بسبب ارتكاب جرائم القتل والاتجار في المخدرات.