فزمن استثنائي فيه ريحة الحرب وانتصارات فالصحرا... سيدنا غادي يخطب غدا

وزارة القصور الملكية والتشريفات والأوسمة، قالت فبلاغ لها بأن سيدنا سيوجه مساء يوم غد السبت، خطابا إلى شعبه، وذلك بمناسبة الذكرى 46 للمسيرة الخضراء .
خطاب الملك فذكرى المسيرة، غادي ايجي فسياق التطورات الأخيرة التي تعيش على وقعها المملكة. ها الجزائر باغية تشعلها معنا وكل نهار طالقة اشاعة باش دير حرب تحل بيها مشاكل جينرالاتها الداخلية. ها المغرب حقق انتصار ديبلوماسي فقضية الصحرا بعد اعتراف امريكا بمغربية هاد المنطقة وتزاد علي هاد الشي قرار مجلس الامن الاخير اللي حتى هو كان فصالحنا.
ها النجاح اللي دارتو الدولة فعملية التلقيح واخا شوش عليها التعامل الارتجالي لوزير الصحة، فمثلا اليوم الجمعة 5 نونبر 2021 وصل اللي خدا الجرعة الثالثة مليون و516 ألف و759 شخصا، بينما وصل عدد الملقحين بالجرعة الثانية إلى 22 مليون و247 ألف و253 شخصا، فيما بلغ عدد متلقي الجرعة الأولى 24 مليون و308 آلاف و294 شخصا. هاد الشي كاين غير عند الدول الغنية.
ثم جا فسياق حكومة جديدة بعد انتخابات ثامن شتنبر اللي جابت الاحرار لرئاسة الحكومة ونهات 10 سنين ديال البي جي دي.
الخطاب غادي يتبث مع التسعود دالليل.