ألمانيا دارت عداء كبير ضد المغرب غيزيد ف تأزيم العلاقة معانا.. سفيرهم ف مدريد مشى لمليلية المحتلة

السفير الألماني فمدريد، ولفكَانكَ براون، ومعاه القنصل الألماني فالأندلس، والمسؤول المخابراتي فالسفارة، دارو زيارة البارح الخميس لمدينة مليلية، وهاد الزيارة كيف قالت صحيفة "ميلية أوي"، جات للإطلاع على الوضع الأمني فالحدود والتعاون بين المغرب وإسبانيا.
السفير الألماني عارف أنه بعيد على هادشي ديال الوضع الأمني و علاقات التعاون بين امغرب و إسبانيا، ولكن السلطات الألمانية يبظو أنها باغيا عاوتاني تستافز المغرب بهاد الحركة، بعدما تأزمات العلاقة بين المغرب وألمانيا فالسنتين الأخيرتين، ووصلات لحد الجفاء الدبلوماسي.
الألمان عارفين أن استفزازهوم للمغرب، غايزيد من تأزم العلاقات بين البلدين وغيصعب من فرص تسويتها في القريب المنظور على الأقل، ورغم ذلك صيفطو سفيرهوم لأكثر منطقة حساسة مع المغرب، خصوصا فظروف الوضع السيء أيضا بين المغرب وإسبانيا، هادشي بالتأكيد غايزيد يأزم العلاقات بين المغرب والأوروبيين اللي يبدو أنه ماتسرطاتش ليهم كيفاش أن بلد إفريقي بحال المغرب كان غا مستعمرة ديالهوم ورجع كيتناطح معاهم دبا.
El embajador y cónsul de Alemania, en Melilla para conocer el contexto migratorio