مأساة نواحي الشاون.. سكان المنطقة كاعيين بعدما ولدات مرا حدا مركز صحي كان مسدود وماتت ليها بنتها

فضيحة جديدة كتزاد للفضايح ديال مصالح وزارة الصحة فالمناطق الهامشية، واللي كيعانيو سكانها من مشاكل كبيرة مع بعض المستوصفات والمراكز الصحية.
الفضيحة الجديدة وقعات فمركز تمروت، بإقليم الشاون، بعدما ولدات مرا أول البارح الإثنين، فالشارع حقاش المركز الصحي كان مسدود.
غضب الناس غايزيد ماشي غير حيت ولدات السيدة برا ديال السونتر اللي كان مسدود، ولكن أيضا لأن المولودة ماتت بسباب عدم وجود رعاية طبية بعد عملية الولادة، وهادشي خلا السكان كاعيين بزاف بسباب هاد المأساة اللي وقعات وأيضا على الإهمال اللي كيعانيو منو على المستوى الصحي فالمنطقة.