مدرب الاسود على استقالتو: علاش باغيين تطردوني. خليوني غير نأهل المنتخب لكأس العالم وماشي لفلوس لي جابتني للمغرب – فيديو

قال وحيد خاليلوزيتش مدرب المنتخب المغربي لكرة القدم فندوة صحافية دابا دايرها فمركب محمد السادس لكرة القدم بالمعمورة فرد على سؤال على استقالتو "نقدر نستاقل. بغيتيني نستاقل. هادا رأيك. علاش مزروبين باش طردوني" ثم اضاف "خليوني غير نأهل المغرب لكأس العالم".
وكشف انو سبق ليه وان اهل 3 منتخبات لكأس العالم فاشارة الى الجزائر والكوت ديفوار واليابان.
وحيد هضر على الجانب المادي فعقدو مع الأسود. الناخب الوطني قال،: غادرت نادي كنت كنشد فيه كثر 3 مرات من شنو كنشد حاليا مع المنتخب. وماشي الفلوس لي جابتني".
وأضاف خاليلوزيتش "وماكنهضرش على الراتب التأهيل مهم جدا. وآمل أن تستفيد الجامعة من عملي"، ومضى موضحا "إذا طلب مني لقجع نمشي نمشي ونقدر نمشي راسي.. ولكن باقي مكملتش خدمتي. ما زال ماتش باراج.. والتأهل للمونديال مهم بزاف.. وهذه المجموعة الحاليا غادي تقول كلمتها فالمستقبل".
وهدر خاليلوزيتش على شي امور فعلاقتو بالمغرب بحال دعمو لصندوق كورونا "عطيت مبلغ كبير وما قلتها لحد".
وعبر عن أسفو باللي ما فرحش لمغاربة خاصة من قبل الملك.