پا دريس مات. الكاتب الصحافي المشهور الخوري مشى هاد الليلة بعد ما دوز ساعات زوينة مع صحابو السبت فالكلوب

توفي هاد العشية الاثنين 14 فبراير ليلة عيد الحب الكاتب والصحافي ادريس الخوري المعروف لدى صحابو وعشرانو ب"پا دريس".
وعملت "كود" وفق مقربين منه، أن با دريس توفي وسط عائلته في بيته بحي السلام بمدينة سلا. ولم تكن تظهر عليه أية أعراض. وذكرت مصادر "كود" باللي دوز السبت للي فات وقيتة زوينة مع صحابو فاحد نوادي العاصمة اللي كان ديما كيتردد عليه. وفق مصادر "كود" "پا ادريس كيف عادتو كان ناشط. كان ملح البركة"
معروف بخفة دمو. البركة معاه عشاقة بصاج. هاد الكازاوي تزاد ف1939 بدرب غلف. پا دريس ديما كان كيزيد الحي ديالو. خدم صحافي مع المحرر ومع الاتحاد الاشتراكي. بقى معاهم فمكتب الرباط حتى تقاعد وبقى بين الرباط وسلا اللي مات فيها.
معاه تهدر على الادب وعلى السينما اللي كيعشقها. تهدر على التشكيل وعلى الموسيقى.
من الابداعات ديال پا ادريس المجموعات القصصية اشهرها "يوسف في بطن امه" و"بيت النعاس" بالاضافة الي "حزن في الرأس والقلب" و"ظلال" و"البدايات" و"الأيام والليالي"...
كان صديق للكاتب الكازاوي الراحل محمد زفزاف