الفيلم كيتعاود كل عام.. نايضة على عمدة ففرانسا بسباب البوركيني فلاپيسين والبحر

عمدة مدينة كَرونوبل، جنوب شرق فرنسا، نوض عليه الصداع من طرف عدد من الناس خصوصا من اليمين المتطرف بعدما قرر يسمح للعيالات المسلمات أنهم يعومو بالبوركيني فالأماكن العام.
حركات نسوية تابعة فمعظمها للتيارات اليمينية الرئيسية ففرنسا ناضت عوتاني على البوركيني.
ومع اقتراب الصيف كل عام كتنوض الروينة فعدد من المناطق الفرنسية بين الناس اللي باغيين يعومو بالبوركيني والناس اللي رافضين وكيقولو بللي لباس العومان باين ومعروف، وبللي هاد الهبال ديال العومان ب"باش" كيغطي كلشي هو "مبدئيا" إهانة للمرا وغير متلائم أصلا مع لاطموسفير ديال البلاصة الترفيهية اللي كيبغيو يلبسوه فيه بعض العيالات، بحال لابيسين و البحر، علاوة على أنه كيتعتابر من "الرموز الدينية" اللي أصلا منوضة الصداع من زمان ففرنسا.