اتهامات لمدير مكتب الاتصال الاسرائيلي بالتحرش. علاش المغربية ما قدماتش شكاية فبلادها وفضلات اسرائيل؟ وكيفاش قضاء بلادنا كيتفرج: خاص تحقيق نعرفو واش هادي اعتداءات جنسية وحروب داخلية اسرائيلية فوحدة منا

نايضة ضحة كبيرة علي اتهامات لمدير مكتب الاتصال الاسرائيلي بالمغرب بالاعتداء الجنسي والتحرش فالرباط. القضية بدات بعد ما رسلات مغربية رسالة للخارجية الاسرائيلية ونشراتها صحافة الدولة العبرية.
دابا الخارجية ديالهم استدعات گاع اللي خدام فهاد المكتب باش دير تحقيقاتها.
الفيلم كولو ما مفهومش. مسؤول دبلوماسي اسرائيلي قال ل"كود"، :"لا توجد شكاوى رسمية حول التحرش الجنسي والاعتداءات الجنسي في مكتب الاتصال الاسرائيلي"، مضيفا :"هناك فعلا سوء تفاهم دخل المكتب، وصراعات بين الموظفين".
وأضاف ل"كود" :"لا يمكن اصدار أحكام قبل انتهاء التحقيق، وترويج معطيات غير دقيقة لن يؤثر على مسار التحقيق"، مشددا بأن :"اذا ثبتت خروقات فلا يمكن إلا تغيير المسؤولين عنها سواء كان السفير دافيد أو كوفرين أو الطاقم أو بقية الموظفين".
لكن فهاد الفيلم الغريب كاينة ديك المغربية اللي كتاهم مدير مكتب الاتصال الاسرائيلي. شكون هاد المغربية. هويتها غادية توضح امور كثيرة. هاد المغربية ما كتيقش بعدالة بلادها ولا بوليس بلادها حقاش مشات لاسرائيل باش تهدر على التحرش ووو .
وعلاش حتى اليوم عاد خرج الموضوع. اييه فحالات الاغتصاب خاص الوقت للنساء وخاص جرأة لفضحو لكن باش تمشي لاسرائيل وتخلي بلادك كيبين ان القضية فيها ان. كاع اشكال التحرش والاعتداء ضد النساء مغربيات واجنبيات مدانة وخاص المغرب يتصدى ليها لكن بعد ما يدار تحقيق.