فضيحة. الزومي من لجنة المالية: جيبو لينا البوليس دبا بسباب اتهامات للنقابات بتلقي الرشوة من الحكومة. والمهاجري رد عليها: البرلماني عندو حصانة وميمكنش نجيبو البوليس لهنا

ناضت قربالة قبل قليل بمجلس النواب، بسباب اتهامات للنقابات بتلقي رشاوي من الحكومة من أجل الصمت.
وقالت خديجة الزومي، القيادية في نقابة الاتحاد العام للشغل بالمغرب، البرلمانية عن حزب الاستقلال، قبل قليل بلجنة المالية، تقال كلام خطير وفيه اتهام للنقابات بلي كتبيع وكتشرا مع الحكومة.
وطالبت الزومي، أمام وزيرة المالية والوزير المكلف بالميزانية، بتدخل الشرطة القضائية للتحقيق في اتهام البعض للنقابات بتلقي رشوة من الحكومة.، مضيفة: "خاص دبا يتدخل البوليس".
وتابعت :"اما هادشي يتسحب ولا تجيبو لينا البوليس دبا"، مردفة :"ميمكنش يدوز هادشي .. الشفافية مزيانة فالمغرب ولكن الاتهامات غير مقبولة. إما غايتحسب لي قال هاد الكلام ولا تجيب البوليس".
وقالت الزومي :"لابد من سحب هذا الكلام المجاني، هناك راشي وهناك مرتشي يعني خاص المحاسبة والتحقيق، ويجب أن تتدخل اليوم الشرطة القضائية".
وطالبت الزومي من رئيس لجنة المالية بعدم تسجيل هذه الاتهامات الصادرة عن بعض نواب المعارضة في محاضر اللجنة.
الزومي معارفاش بلي القانون كيعطي الحصانة للبرلماني يهضر يعبر، الزومي بغات تجيب البوليس. هادشي دارتو للرد على عبد الله بوانو، رئيس مجموعة العدالة والتنمية.
هشام المهاجري، النائب عن فريق الاصالة والمعاصرة، رد على الزومي وقال ميمكنش نصححو خطأ بخطأ وبأن البرلماني عندو الحصانة القانونية وميمكنش نطلبو نجيبو البوليس لهنا.
رئيس لجنة المالية قال كذلك بأن الرأي مضمون.