أنس الزروري: كنشكر المغاربة والركراكي ومن صغري كنحلم نلعب بتوني المغرب فالمونديال

عبر أنس زروري لعاب بيرلني الننكليزي على الفرحة ديالو حيث غادي يلعب مع المنتخب الوطني المغربي فكأس العالم قطر 2022، من بعدما عيط عليه الناخب الوطني وليد الركراكي باش ياخد بلاصة أمين حارث اللي توعت.
وخرج أنس زروري قبل لحظات فأنستغرام وقال: "الحلم ديالي صبح حقيقة، راني فرحان بزاف، ويشرفني ندافع على توني المغرب فأحسن مسابقة فالعالم".
ووجه الدولي المغربي الشكر للناس اللي قراب له والعائلة ديالو والجمهور المغربي حيث وقفوا معه وساندوه وشكر الناخب الوطني وليد الركراكي على الثقة اللي دار فيه حيث عيط له باش يحقق حلم اللي كان عندو من الطفولة.
وخدا أنس زروري رسميا بلاصة أمين حارث وكاليفاتو الفيفا باش يلعب فالمنتخب الوطني المغربي، وغادي يكون من العناصر اللي معول عليها وليد الركراكي باش تعطي الاضافة للمنتخب.
https://www.instagram.com/p/ClCBM7FS3tC/?igshid=YmMyMTA2M2Y=