الحمد الله حناشعب منافق يلاه خليونا بصحتنا.. حنا سكيزو كيعجبنا الفيسق وكنموتو على الفجور وكيحمقونا المحرمات وكنعتبرو انها ألذ ما خلق الله وييييي ، ولكن مكيعجناش نشوفوهم فالتلفازة ديالنا حيت التلفازة " عائلية" اخاي ديالي، وحنا الفيسق كنبغيو نديروه كل واحد بوحدو وبلا مندخلو فيه الواليدين معانا ..كتتفرجوا فالافلام ديال البورنو بانتظام … ،ولكن ماشي مع الواليدة وعلى طابلة المسمن بأتاي ، كل واحد وتليفونو يشوف فيه المسخ لي بغا .. الحرية الجنسية وداكشي ديال "الديوثيين"، معندناش معاه أبادااان … كنبغيو الحشمة والحياء تكون فالمجتمع والبنيتات المزيونات يكونو كيحشمو وميتباوسوش لينا فالزناقي مع الدراري لي فيهم 60 كيلو و دايرين التحسينة ديال "النيمار" .. و فنفس الوقت حنا الحمد لله اذا جات الهمزة مكنزكلوهاش، سواء كنا اساتذة في الاقسام او برلمانيين في القباب او فقهاء في التوحيد والتنمية ،الكل في وجوب اقتناص الهمزة سواء .. غير هو حنا مجتمع مستور ،وكنبغيو السترة وحتى الرسول صلى الله عليه وسلم كان كيوصينا منين نتبلاو بشي بلية نستروها ونضربو عليها الطم ..لذلك حنا امة الحمد لله، كلشي كنديروه مستور وفالغرف المغلقة، باش حتا واحد ما يجيب خبارنا فتشيع الفاحشة بين الناس، ويبداو يديرو بحالنا يا ضنايا .. يعني باختصار داكشي ديال البوح بالعواطف والتبجح بالعلاقات، والستريبتيز والحرية الفردية واللباس غير الموحتاشيم، وعدم الدخول في صحة الآخر …سير عاودها لمك .. حنا عندنا هويتنا وتقاليدنا واعرافنا واصالتنا ودينا الحانيف لي مكيسمحش لينا نهضرو على " المحرمات" ونفتاخروا بيها فوسائل الاعلام حنا راه دولة اسلامية اولاد الق…..ب!!! صحيح زعماكينا عندنا اكثر من 250 ام عازبة كتولد لينا برهوش يوميا بلا حالة مدنية وصحيح كنستهلكو 400 مليون قرعة ديال البيرة فالعام و 36 مليون قرعة ديال النبيذ .. وشحال من قضية اغتصاب وزنا المحارم كل صباح فالمحاكم ! ولكن هادشي كلو الحمد لله كنديروه مستور .. معمرنا ما اغتصبنا شي وحدة امام الملأ أباداااان …الحمد لله حنا كنخليو تا كتخوا الدنيا ولا فشي بلاصة فيها السترة عاد كنغتصبوها … ايييه اخاي بصحتنا حنا ماشي شعب مفروش…!!! وعموما اللهم منافق ولا مفروش …بالنسبة للطحاليب لي النهار وماطال وهو نازلين علينا بانتوما المغاربة منافقين !!! عاودوها لمكم ، نحن مستريحون في نفاقنا أكثر من راحتكم في صراحتكم ،يا متغربين يا مستلابين يا إمعات يا حثالة الفكر الغربي … نحن ننشر الأخلاق الحميدة في الصفحات ونتشحتف على الغندورات في الخاص!!! ومال مكم يلاه بصحتنا… نحن نتصاحب مع البنات ونسلخ بناتنا على التصاحيب اييييه اخاي بصحتنا…!! نحن نطالب المجتمع بتقبل الاخر ونهاجر " للسعي" في اوربا ،وفي نفس الوقت نخرى بالضحك على المثليين المسوخ ..والافارقة الكوحل المتسولين، اييييه اخاي بصحتنا شي حاجة ؟؟!!.. ندعو الى حرية المعتقد .. ونضرب رمضان في الكانيف و نصوم ونصلي التراويح ونضرب الشيشة ونطارد القاصرات قبل السحور … اييييه اخاي احنا مرتاحين هكدا غاية الارتياح وضميرنا منسجم مع راسو سمن على عسل ، غتقولو حنا منفصمين ،سيكوباتيين ،متظاهرين، كذابين ،منافقين ايييه اخاي صحييييييح تماما .. لكننا اذا كنا منافقين فراه قليل فيكم لي كيعرف ان " النفاق سيد الاخلاق "
