زجل. لحديث قياس

بنت الناس والقلب ابغاك
رفضتيني كَوليلي علاش
صارحيني ما فيها باس
غير اعترفي وننساك خلاص
بنت الناس والقلب ابغاك
رفضتيني كَوليلي علاش
كيف يمكن قلبي ينساك
الحب الكبير ما يتنساش
قبل ما نجيك شحال فكرت فيا وفيك كثير خممت
ميات ألف تخميمة وما عرفت شحال من تخميمة
قبل ما نجيك شحال توهمت مع القمر عيك تكلمت
وحلمت بقيس وليلى وشحال سهرت من ليلة
ليه من جهتي ما فقلبك حب
وليه ما ارضيتي يا بنت الناس
ليه بغيتيني نتعذب
نعيش مهموم أنا فوسواس
ليه من جهتي ما فقلبك حب
وليه ما ارضيتي يا بنت الناس
قلبك قاسي حبك صعب
قلبك مادي بلا إحساس
جواب واحد هو اللي كاين
وباين لللعمى فالظلمة
اجرح قلبي وخلاني هايم
فيه ألف معنى ومعنى
جواب واحد هو اللي كاين
وباين الَلعمى فالظلمة
كتعرفيه لا تخبي باين
وانتي عارفة شنو تمة

اللي عندو ليوم يسوى ويتبغى
يتحب ما يتنساش
قدة حالو يتهمل يتنسى
قد حالو ما يسواش
اللي عندو ليوم يسوى ويتبغى
يتحب ما يتنساش
قد حالو ما تشوف فيه النسوة
قد حالو خير بلاش

الحب ما يتباع بالماس يا بنت الناس مشاعر وإحساس
شي عندو وشي ما لكَاش ولحديث راه قياس