أزمة اتحاد طنجة.. "هيركوليس" تطالب باستقالة رئيسا المكتب والشركة

طالب "كابو" الفصيل التشجيعي لنادي اتحاد طنجة "هيركوليس"، باستقالة رئيس فريق اتحاد طنجة محمد الشرقاوي، ورئيس الشركة نصر الله گرطيط، من أجل "مصلحة الفريق الذي يمر بأزمة غير مسبوقة قد تعصف به إلى الهاوية".
وقال كابو "هيركوليس"، في تدوينة في على صفحته الفيسبوكية: "باش الرئيس دالفرقة لا نتينا ولا لي دايرين بيك تلصق الفشل الذريع فتسيير الموسم الماضي فالشركة الرياضية، راه خصك تكون يسّرتي الأمور داللاعبين، عالجتي مشكل الملعب وجبررتيلو حلّ باش الفرقة ما تبقاشي تسعا وتينا فماربيا والناس كا تجمع الفلوس مليون بمليون باش تسافر الفرقة خوفاً من الفورفي".
وأضاف: "العام لي فات بدا بإضراب اللاعبين ما مخلصينشي ومدرّب وفيشاخيص لي طرشو بلانطيا، شحال من مرة اللاعبين ما تدربوشي وشحال من مباراة سافرت الفرقة بدراع بالرغيب والمزاوكة، وحنا كا نتصلو باش يتدخل بنادم ونكالميو اللاعبين باش مشاو وما كانشي المشكل دالشركة، دابا عاد بان؟".
إقرأ أيضا: اتحاد طنجة يتهم رئيس الشركة بعرقلة تنظيم الجمع العادي.. والأخير: تضليل
وتابع: "تدخلنا وتدخلت شخصيا، البداية دهاد الموسم باش نتجنبو الدرايم دالعام لي فات وبلا ما نزيد نشرح را مع الوقت غا يخرج شي واحد ويقول هادشي لي كنا كا نعملوه باش تصلح الأمور و والو؟ مكتب ما قدرتيشي تشكلو وشحال شعلتلكوم مع بعطكوم، والدرايم لي كانو العام لي فات وحنا شابرين الفرقة والعكاز من الوسط باش ما تطرّشي وجمعنا الشمل".
وقال "الكابو" الزبير التمسماني: "بالعربية تعرابت راه ما بقالكوم ما تعطيو نالاتحاد، واذا كاتسالو شي حاجة نالفرقة بيناتكوم مع رئيس الشركة، بغات تصفي فالمحكمة التجارية ولا فاين ما بغات تصفيلكوم مع بعطكوم المهم بعاد على الفرقة".
وتعليقا على البلاغات المتبادلة بين الطرفين، أضاف كابو هيركوليس: "مكتب العشوائية وشركة العار ماشين بالفرقة نالهاوية والانتحار والاندثار، خصكوم تقدمو الاستقالة ديالكوم من الاتحاد حيت الأحمق لي معول على المنخرطين يعملو شي وزّة، الفرقة خصا تنقيها الولاية من هاد الوسخ لي رجع فيها".
إقرأ أيضاك شركة اتحاد طنجة: بلاغ الجمعية المسيرة مضلل
وبالنسبة نالشركة، يضيف المصدر ذاته: "حتى ندابا عاد بانلك السي الرئيس أن لي خرج على الفرقة هو المكتب، وهاد الفلوس لي ما باغيشي تسني على حتى حاجة حتى يجيك BILAN COMPTABLE حتى ندابا عاد بانتلك خصك الحساب مضبوط؟ نهار لي سنيتي على كونطراس دالجعديين والآخرين كونتي غير كا تسني؟".
الزوبير طالب السلطات الولائية بالتدخل واستقالة المكتب المسير وإحداث لجنة مؤقتة لتسيير الفريق.