كواليس دورة مجلس جماعة بين الويدان

1 -- اجتمع المجلس الجماعي ديال بين الويدان اليوما 12 اكتوبر على إيقاع "حل الباب ، ما يتحل سد الباب ما يتسد، في قاعة –هنكار- مابغاش البرد اخليها تسَدْ . هو يتخربق النقاش. طالبت المعارضة بضرورة ايتسد الباب، البرد قارس دير ليه شي معراط" كتاس " أوْقافْ ، اٴمْحْسادْ أو تَحْنيتْ "تيضحك على المكتب المسير الذي لم يصلحه، لَقْطها المكلف بالباب امشا جاب "جعبة ديال الخْزانَة بَزّزْ باش دخّلها ". لما لا والبرد قارس.
2 -- عرف النقاش ديال المداخيل والميزانية الخاصة بالأشخاص ، مشادات كلامية بين المنتخبين على بونت ما يقلبها طيوطة و البونية حتى بغا يجبد الخليفة الصمطا .. او بالاتي عليك .... إلى أن اجلها الرئيس إلى انتهاء الجلسة "حتى نخرجوا، ولما لا والبرد قارس.
3 -- اتهم فريق الأغلبية عضو " صفت رسالة مجهولة تتعاير المجلس؟ لجهة مسؤولة يتوفر المجلس على نسخة منها تتعلق بزاف دلحوايج والتهم في تسيير الجماعة... قراها الرايس باسلوب - "كالو لي درتي وأنا شي مادرتوا وحق الله المعبود احبيبي لافلتوا- رد عليه الأخر لال لال علاه؟ ا نَمْش لَعنْدُ ديركْتْ .
4 -- فرقوا الإخوة من قسم الحالة المدنية كيسان دَتاي على بعض المواطنين والمنتخبين شكرا ، كما شربت الأغلبية بجلالبهما حتى هي. سْكّارو مَنّو " ولما لا والبرد قارس.
5 -- اتهم الرايس منتخب من المعارضة بالبلبلة والدردبة وكثرة النقددة الرايس تيدافع على واحد المرشح صاحبوا قديم .. من ايامات الطفولة ، وتدخل العضو الأخر ضد الرايس اتهموا بالطرطرة والخبططة ديال السربون ، وداروا حتى يخرجوا ويتفاهموا .فلما لا والبرد قارس وكونطارين ذيب.
6 -- ما جاش منتخب اغيل أعالي الجبل ... ولأول مرة يغيب .... ولما لاو الطريق مقطوعة إلى ايت حلوان الجبل ، ما جاتش منتخبة، كالوا شافوها مع خنافور، فمراكش مشاو يتكونوا.
7 -- خرج منتخب بعد بداية الجلسة بدقائق و وكانت الشتاء تتصب بزاف والماء تيبان زرق واحد المنظر ما تيفلتوهش المصورين والرسامة.
8 -- جات منتخبة التراكتور بوقت الجلسة وجلست في -الهنكار- لوحدها ساعة وهي تتسنا .. لما لا وهي تتعامل مع النصارى السياح ، وفريقها من الأغلبية تيتعامل مع التمساح ٴُا وَ لْد التفاح.
9 -- بعد انتهاء الجلسة ، كانوا بَعْضْ الجْوادْ فالباب هازين الفاتحة "اللهم هديه اطلقْنَا دَغْيا نَمْشِو ناكلو الطواجن اربي اكونوا عامرين ياربي ا يا اربي ايا ربي يكونوا عامرين وفيهم البطاطا" والمعدنوس ويهزنا بهدك الطوموبيل الكبيرة لي تشوف منها ومتتشافش، لما والبرد قارس.