المسؤولين دسيمبا خرجوا لشوارع وسواق دار السلام كيهيجو جمهورهم ضد الوداد – تصاور

بدأت إدارة سيمبا التنزاني كتهيج جماهيره فريقها وكتحشد فيهم استعدادا لمواجهة العمر اللي غيلعب فيها سيمبا التنزاني مع بطل أفريقيا الوداد الرياضي السبت الجاي بدار السلام، برسم ذهاب ربع نهائي عصبة أبطال إفريقيا.
وخرجوا المسؤولين بنادي سيمبا التنزاني بمسيرات قبل قليل في شوارع دار السلام وهم راكبين على الماطر والكاميونات والطوموبيلات، وبداو كيحشدو الجماهير وكيأكدوا عليهم باش يجيو للتيران السبت الجاي، ويشجعوا فريقهم سيمبا ضد الوداد.
ومن بين المسؤولين ريال سيمبا اللي خارجين للزنقة، كاين مقدمتهم الناطق الرسمي باسم النادي محمد علي، اللي كيدور في الشوارع والزناقي والسواق بواحد الكاميو وكيخطب على المشجعين باش يحمسهم ويضمن حضورهم الماتش، اللي أكد المسؤول التنزاني بنفسو أنه ماتش ديال العمر بالنسبة لسيميا.
للإشارة وصلت بعثة الوداد الرياضي صباح اليوم الأربعاء إلى دار السلام بتنزانيا على متن رحلة جوية خاصة قادمة من الدار البيضاء، والأجواء زوينة وسط الفريق واللاعبين ناشطين ومركزين.