هادي مغاديش يعجب الباطرونا ديال العقار لي مولفين بزولة الإعفاءات الضريبية فالسكن الاقتصادي.. لقجع: مراسيم الدعم المباشر للأسر باش تشري سكن غايخرجو الأسابيع الجايا

قال فوزي لقجع، الوزير المكلف بالميزانية، إن المقاربة لي كانت فدعم السكن كانت مبنية بناء على الطلب عبر إعفاءات ضريبية للمنعشين العقاريين، مغاتبقاش.
وأضاف لقجع، خلال جلسة عمومية بمجلس النواب اليوم الاثنين، قررت الحكومة منذ 2022 أنها تمشي لتعزيز الطلب عبر دعم مباشر للأسر لي غاتشري السكن بإجراءات اشتغلت عليها الوزيرة المنصوري وباقي القطاعات.
وأكد لقجع بأنه في الأسابيع الجايا غايخرجو مراسيم الدعم المباشر الخاص بالأسر لاقتناء السكن.
يشار بلي مراسيم دعم الأسر لشراء السكن تعطلات بزاف بسبب ضغوطات كيمارسها لوبي المنعشين العقاريين لي كانو كيستافدو من إعفاءات ضريبية وتسهيلات مقابل يوفرو سكن اقتصادي (ماشي فالمستوى طبعا) وملي جات المنصوري حيدات ليهم البزولة وباغي يبلوكيو كولشي.