هادي هي لخرا ليه.. أيلون ماسك طالع ليه دم بسبب خسائر "تويتر"

لملياردير لميريكاني إيلون ماسك، قال بللي التدفق النقدي ديال تويتر مزال سلبي بسباب الانخفاض ديال عائدات الإعلانات، وهادشي لي مكانش ضارب ليه لحساب، حيت كان كيقول بللي المنصة غتوصل لتدفق نقدي إيجابي فيونيو من هاد لعام.
ماسك ملي شرا تويتر دار بزاف ديال الإجراءات باش ينقص المصاريف، ولكن هادشي مكانش كافي باش يتزاد التدفق النقدي فتويتر، وحتا الأرباح ديال الإشهارات تراجعات حيت أغلبية المعلنين مشاو ليه.
تطبيق "ثريدز" لي دارت شركة "ميتا"، خرج على تويتر لي لقات بزاف ديال الانتقادات حيت ترخات فالإشراف على المحتوى، هادشي لي خلا بزاف ديال المعلنين ينساحبو حيت خافو الإشهارات ديالهم تبان فمحتوى غير لائق.