متعطيش الكافيار للحلوف... الفنان العالمي سعيد تغماوي كلاشا مومو وماخلا فيه غير اللي نسا

خرج الفنان العالمي المغربي سعيد تغماوي بتصريح على صفحتو فالانتسغرام كيهاجم المنشط الاذاعي محمد بوصفيحة المعروف" بمومو"، من مور مانشر التغماوي فيديو قديم ديال اميسيون ديالو معاه هادي خمس سنين.
سعيد تغماوي خرج بفيديو على صفحتو فالانتسغرام كيقول فيها، "شكرا على الدعم وشكرا شكرا..شي صاحبنا مجاوبنيش واش خصنا ندريو مناظرة ولا كومبا".
وزاد وضح التغماوي ففيديو اخر كيقول فيه انه عامين وهو كيتصل بمومو وكيعيط عليه باش يعاود يحضر لميسيون اخرى غير باش يهضر على دار الايتام ويروج ليها ولكن مومو خلاه بلاكة وماجاوبوش لا بأه ولا لا.
وعطا تغماوي تفاصيل كثر على الحضور ديالو لبرنامج مومو، وقال ان مومو فتخو فسمطة، وأضاف أنه كان كيحاول يبقا مهدن وظريف وخا مومو عيق عليه وهو كيسولو على حوايجو وأضاف أنه واعر فالفتيخ وغير بالضحك.
وعلق التغماوي على الفيديو اللي لاح ب "متعطيش الكافيار للحلوف".