نصير مزراوي سكت توماس توخيل.. النجم المغربي تختار فأحسن تشكيلة لبطولة ألمانيا وأكد بلاصتو فبايرن ميونخ

قدر الدولي المغربي نصير مزواري يؤكد بلي بلاصتو كاينة فالتشكيلة الرسمية ديال بايرن ميونيخ الألماني، اللي رجع لها غير السبت الماضي، ضد بوخوم ضمن منافسات بطولة ألمانيا، بعدما غاب عليها مؤخرا.
نصير مزراوي وبعدما دار ماتش مزيان مع بايرن ميونخ ضد بوخوم، اللي ربحوه بنتيجة 7 لزيرو، وكان هو ورا اسيست الهدف السابع، تختار مع أحسن 11 لاعب ديال التشكيلة المزيانة د الويكاند الماضي، اللي كيعزلها موقع "سوفا سكور" المتخصص فمستويات اللاعبين.
ورجع المدرب الألماني توماس توخيل النجم المغربي نصير مزراوي للتشكيلة الأساسية ديال بايرن ميونخ، بعدما بعدو منها فالماتشات الأخيرة وكلسو فالاحتياط، لدرجة أن بزاف من المتتبعين كانوا متخوفين أن سيناريو توخيل مع المغربي الاخر حكيم زياش فتشيلسي ملي بعدو وما بقاش كيدربو يعاود يديرو هذه المرة نصير مزواري.