وليد الركراكي: سعيد الناصيري ملي جا للوداد والفريق فالفينالات وحتى لنهائي السوبر وغيجي

نوه الناخب الوطني وليد الركراكي المدرب السابق للوداد الرياضي بالخدمة اللي داير رئيس الواك سعيد الناصيري، وأكد انه السبب فالتتويج ديال النادي بالعديد من الالقاب بالمجهودات اللي كيدير.
وتحدث وليد الركراكي فتصريح له بعد نهاية ماتش الوداد الرياضي وانييمبا النيجيري وتأهل الواك إلى دومي فينال السوبر ليك وقال: "برافو الوداد إنشاء الله يفرحونا ويجيبوها، وهذا الشي اللي مهم ويفرحو المغرب.. الوداد دزت فيها وديما غندوي عليها بالخير والألقاب اللي ربحنا مع هاد الجمهور ومع سعيد الناصيري".
وأكد وليد الركراكي: "الوداد عندهم هاد العام فكتيف من أحسن اللي داز فتاريخ الواك نتمناو يديو كلشي واخا البطولة غتكون صعيبة ولكن فالشومبيونزليك ديما كيكونو مزيانين،".
الركراكي تكلم على الدور ديال رئيس الوداد فالتوهج والتأهل اللي كبيصم عليه الفريق وقال: "ديما كنعرفو سعيد الناصيري الخدمة اللي كيدير مع الفريق، وبالنسبة لغياب الناصيري على هذا الماتش، راه غيجي ملي يتأهل للفينال حيث هو كيتمنى يمشي للفينال، والوداد ملي جا سعيد الناصيري وكتشوفو المستوى ديالها ديما الفوق وديما لاعبين ليدومي فينال والفينال".