الركراكي: الحسوني غادي يكون إكتشاف الموندياليتو والوداد غادي يوصل للفينال ويلعب مع ريال مدريد

أكد الناخب الوطني وليد الركراكي المدرب السابق للوداد الرياضي أن الفريق الأحمر قادر يمشي حتى لفينال كأس العالم للأندية "المغرب 2022′′، وأن ماتش ربع النهائي مع الهلال السعودي مفصلي ولكن الحمرا عندها امتياز اللعب فالدار وعندها لاعبين مزيانين قادرين يمشيو بعيد.
وتحدث وليد الركراكي على الموقع الرسمي ديال الفيفا حسب ما نشر الأخير على صفحاتو بمواقع التواصل الاجتماعي وقال: "الماتش مت بين الوداد والهلال السعودي فربع نهائي كأس العالم غيكون مزيان ومتساوي، وراه الهلال عملاق آسيا، وعندهم جمهور ولاعبين مزيانين، فحال الوداد ولكن الحمرا لاعبة فدارها وهادشي غيعاونها".
وبخصوص اللاعبين اللي يقدرو يديرو الفرق فالوداد قال وليد الركراكي: "كاين يحيى عطية الله ورضا التكناوتي والكابتان يحيى جبران، وأيمن الحسوني واعر وموهوب وغيكون الاكتشاف الكبير فكأس العالم للأندية حيث عندو فرجيله وموهوب بزاف، والفرقة عندها عناصر أخرى مزيانة حيث جابو لاعبين جداد".
وعن مشوا الوداد في كأس العالم للأندية والدور اللي يقدر يوصل له، قال الركراكي: "الماتش الصعب هو ضد الهلال، والوداد إلى تأهل راه يقدر يمشي للفينال ويلعب مع ريال مدريد راه كلشي ممكن".
https://www.facebook.com/606721589343692/posts/pfbid0CDDjwEUk6fzPauM7hWooPTpo4hTL1hWptjoCJ4gVN3jdppXt5123XEogvB2jJbbrl/?sfnsn=mo&extid=a&mibextid=RUbZ1f