ها لائحة الوداد ضد الترجي فالماتش المصيري فتونس وفيها غياب واحد

حدد عادل رمزي مدرب الوداد الرياضي اللاعبين اللي غيكون حاضرين فماتش الحمرا ضد الترجي اليوم الاربعاء فتيران رادس فتونس، ضمن اياب دومي فينال السوبر ليك الافريقي، وكلشي اللاعبين واجدين باستثناء الياس الشتي اللي كان فالذهاب وغايب فالروتور وهو لاعب احتياطي.
واختار عادل رمزي لائحة ودادية ضدد الترجي التونسي مكونة من 23 لاعب، هم الكوال يوسف مطيع، المهدي مفتاح، بوبكر باه، وفالدفاع امين بوالفتح، جمال حركاس، امين فرحان، يحيى عطية الله، ايوب العملود، حمزة الركراكي، هشام ايت برايم.
وفوسط التيران، كاين زكرياء دراوي، أسامة محروس، سفيان أحناش، يحيى جبران، انس سرغات، عبد الله حيمود، والهجوم ديال الوداد فيه محمد أوناجم، هشام بوسفيان، حمدو الهوني، سيف الدين بوهرة، منتصر لحتيمي، صامبو جونيور، الشرقي البحري.