خبار زوينة للناس المبلية بالقهوة.. مكينساوش وماغاديش يشرفو دغيا

لقات واحد الدراسة جديدة داروها باحثين يابانيين أن القهوة مفيدة بزاف للذاكرة، وغادي تنفع الناس بزاااف فين يكبرو شوية ف العمر وتقد حتى متخليهومش يمرضو بالزهايمر.
على حساب هاد الدراسة لي تنشرات ف موقع Neuroscience News، كيقولو هاد الباحثين من جامعة تسوكوبا اليابانية، أن القهوة لقاو فيها واحد المادة سميتها عنصر الترغونلين TGوهي مفيدة بزاف للذاكرة.
التجربة تدارت على بزاف ديال الفيران لمدة شهر كامل، ولقاو أن الذاكرة ديالها ولات قوية بزاف.
كثر من هادشي، لقا وشي حوايج ف دماغهم وفالأعصاب ديالهم تحسنو ولي غادي تخلي الشيخوخة تتعطل عندهم.