الأساتذة اليوم عاوتاني خارجين فمسيرات اختاروا انهم يلبسو الأسود خلالها، ورغم بداية عودة بعض الأساتذة للاقسام وتراجع عدد المشاركين فالوقفات إلا أن اختيارهم التصعيد ورفض كل عروض الحكومة رغم إيقاف العمل بالنظام الأساسي والعمل على تعديله ورغم زيادة 30% في معدل الأجور واختيار ارتداء الأسود خلال وقفات اليوم، يثير الشبهات حول من يحرك خيوط هذه التنسيقيات ومن يحدد اختياراتها الغريبة حتى الرسائل والفيديوهات التي تتداول على الواتساب والفيسبوك والمصورة بتقنيات عالية تحتاج متخصصين أصبحت تثير الشكوك حول الواقف وراء الأزمة، فنفس اليوم ديال المسيرات مشاو ممثلين عن التنسيقيات يجلسو مع الحكومة. 23 واحد مشاو باش تعرفهم هواة وشي ما تايق فشي واش كاين شي حوار مع هاد العدد ديال الناس اذا بغاو غير ياخدو الكلمة كل واحد فيهم خاصهم شهر د الحوار اليوم يبدو أن الأساتذة فقدوا البوصلة وبدل ما يكون الإضراب وسيلة للضغط على الحكومة أصبح وسيلة لتشتيت التنسيقيات لي يدا كيوصلها رفض القواعد لهاد الإضراب شبه المفتوح ورفضها أنها تكون سبب فضياع مزيد من الساعات الدراسية، اللقاء لي كاين دابا حاضر فيه وزير التشغيل وهو الوزير لي كانت ديما التنسيقيات ترفض حضوره وتتساءل عن علاقته بوزارة التربية الوطنية ها هوما اليوم فرحانين جالسين معاه. زايد على هاد الشي٬ عدد من رجال التعليم فالمدن المغربية ما كيمشيش للمدرسة باش كيكون الاضراب٬ كيفضل يمشي يقري فالمدارس الخاصة. يعني ما دايرش اضراب الا على المدرسة العمومية.
