جون افريك: قوة زلزال "ايسكوبار افريقيا" غادية طيح 28 من كبار المسؤولين فيهم سياسيين وناس فالداخلية

زلزال "إيسكوبار إفريقيا" الثاني لي جاي فالطريق غيكون مدمر لشخصيات في الدولة. هادشي لي قالت "جون إفريك" مقال ليها. القضية اللي معتاقل فيها 21 شخصا منهم رئيس جهة الشرق عبد النبي بيوي ورئيس الوداد سعيد الناصيري غادية تكبر حسب المجلة٬ وقالت باللي الناصري فرش شخصيات كبيرة وباللي التحقيقات غادية توسع وتشمل 28 من كبار المسؤولين وفيهم سياسيين ومسؤولين فالداخلية وشخصيات اخرى
"جون افريك" اكدات باللي رئيس الفرقة الوطنية للشرطة القضائية هشام باعلي، زار أخيرا، الجهة الشرقية وباللي هدف الزيارة كان الاستماع لكبار المسؤولين في وزارة الداخلية.
وحسب "جون افريك" ديما، فإن هاد المسؤولين، ووفق ما أكده لها مصدر مطلع، يحتمل أنهم يكونو متورطين في منح عقود عمومية بطرق غير مشروعة لصالح عبد النبي بيوي، وهو ما يعد تلاعبا.
وتفيد المعلومات لي توفرات ليها، أن بعيوي، الذي كان على علم بأنه معرض لخطر كبير للغاية، وباللي ضربها بسكتة فالتحقيقات اللولى وغادي يضربها بسكتة قدام قاضي التحقيق.
وحسب "جون افريك" فقد قرر قاضي التحقيق٬ وكإجراء احترازي، بتجميد أصول بيوي (مليارات الدراهم) وعقاراته (ما لا يقل عن 150 عقارا منتاشرة فالبلاد".
تفاصيل اكثر ف"جون افريك"