نايضة بين الداخلية ونقابة البوليس فالصبيلون بسباب طالبي اللجوء من كينيا والسنغال والمغرب وسط مطار باراخاس

karim.elsoufi29@gmail.com
اضطرات وزارة الداخلية الاسبانية، البارح الاثنين، تنشر بيان حول حقيقة ما يجري بمطار باراخاس ف العاصمة مدريد، بعد تسجيل ارتفاع كبير فعدد المهاجرين اللي غير كيوصلو، من بلدان بحال كينيا والسنغال والمغرب، للمطار وكيمشيو يطلبو اللجوء والحماية الدولية من المركز الحدودي داخل المطار.
وقالت الداخلية الإسبانية، أنها عالجات ف الأسابيع الاخيرة هاد القضية ديال الضغط والزحام اللي كاين على البوليس في المطار، من خلال فتح مكتبين جديدين لإجراء المقابلات وفتح غرفة ثالثة للخدمة، مع زيادة عدد ضباط الشرطة الوطنية وموظفي مكتب اللجوء واللاجئين (OAR).
وحسب وكالة أوروبا برس، منذ منتصف دجنبر الفايت، تزاد الضغط اللي خلا نقابة البوليس تندد بظروف العمل ومتابعة طلبات اللجوء المقدمة من مواطنين من دول أفريقية مثل كينيا والسنغال والمغرب، واللي هربو منهم بزاف ف الايام الاخيرة من خلال التسلل إلى مدرجات رئيسية في المطار ومرافق حيوية، مما شكل خطر على السلامة الجوية.