بنكيران ل"كود": مزوار ما فيدوش واللي كال ليه الهمة والعماري كولها كيكولها وإذا كانت الانتخابات نزيهة سنفوز بالمرتبة الأولى

السي بنكيران أنت الأمين العام الأكثر تحركا وتنقلا فهاد الحملة، كل يوم في منطقة، واش ما عيتيش؟
أتحدى أي زعيم حزبي أن يتنقل في مدن وقرى ومداشر المغرب كما فعلت منذ بداية الحملة، عقدت تجمعات ولقاءات في مدن فاس ومكناس وتطوان وكرسيف وتاوريرت والحاجب والدار البيضاء ومناطق ومدن أخرى بعيدة وغدا سأصل إلى مراكش.

لا أشعر بالتعب من هذه التجمعات، مللي كندخل القاعة وكنلقى تجاوب مع الناس، كننسى لعيا والتعب.

واش حاس من هاد الاجتماعات باللي لمغاربة غادين يصوتوا عليكم؟
في اللقاءات أجد أن المغاربة يكنون الكثير من الاحترام لحزب "العدالة والتنمية". الناس كيكولو ما كاين غير "العدالة والتنمية".

ألا تخشى ارتفاع نسبة المقاطعين وتأثير ذلك على حظوظ الحزب؟
إيلى كانت الانتخابات نزيهة حنا غادين نجيو اللولين. لمغاربة غادين يصوتوا باش يقطعوا مع الماضي.

صلاح الدين مزوار قال لرويترز "معرفتي بالقوة الحقيقية هم الإسلاميون بعيدون كل البعد عن إمكانية الوصول الى المراتب الأولى لكن في آخر المطاف الذي يقرر هو صناديق الاقتراع"، ما تعليقك؟
مزوار ما فيدوش وماشي هو رئيس الحزب، اللي كال ليه إلياس العماري والهمة يكولو كيكولها، وهادا ماشي كلامو. عندنا مثال فالمغرب معرب كيكول "المكسي بحوايج الناس معري". من صاب هو كان يكد يواجهنا. حنا هزمناه ف2002 و2007 وف2009 (الانتخابات البلدية) وغادين نهزموه هاد المرة. مزوار ما عندو قوة دوزها ليه "البام".
المغرب محتاج لبديل سياسي لطاقة جديدة.

وفحالة جا حزب "التجمع الوطني للأحرار" آش غادين ديرو وآش من موقف غادين تاخذوه؟
واخا يجي هو اللول يقينا ماشي هو اللي غادي يحكم. ما عندوش الجرأة الكافية للوقوف ضد محيط الملك ولمواجهته. راه ما فيدوش.