ها سيدة الاعمال المشهورة بزاف اللي مشدودة فالحبس ومعاها عشيقها رجل الاعمال المغربي المعروف. كيفاش طاحت وحدة كانت تخلع كلشي الرباط

كشفت جريدة "لوديسك" المغربية عن تفاصيل قضية مثيرة داير بحال فيلم دالاس . يتعلق الامر بقضية خيانة زوجية ماشي عادية تشدات فيها سيدة اعمال معروفة ورجل اعمال فالحبس امس الخميس بسلا. كلشي اطرافها مشاهير وملايرية ومعروفين عند صحاب اللعاقة. الجريدة قالت ان زوج باطرونة مجموعة "داليا" هند الشابي وهو ديبلوماسي كويتي يدعى صادق محمد صالح مرافي تقدم بشكاية ضد زوجته يتهمها بالفساد والخيانة الزوجية واقامة علاقة مع رجل الاعمال والمستثمر في قطاع الطيران محسن كريم بناني.
حسب "لوديسك" فان سيدة الاعمال شدوها فالحبس هادي يومين بعد بسلا بعد شكاية قدمها ضدها زوجها شهر يونيو الماضي. الشكاية فيها ان رجل الاعمال المغربي بناني هو عشيقها وقد تم القاء القبض عليه هو الاخر. وبجوج من البارح الخميس فالحبس بسلا
الديلوماسي الكويتي شك في شكايته ابوته من البنت الثانية وبعد فحص طبي تبين انها ليست بنته. القصة فيها البيزنس والحمل والخيانة والصعود والنزول لشخصية كانت كتخلع كلشي الرباط بسهراتها وعلاقاتها. السيدة استثمرت حتى فالصحافة من خلال مجلة "ايلي" النسائية الشهرية وعندها "اي داليا" من اشهر شركات الطيران الخاص بالمغرب وهي اللي دخلات الماركة العالمية كافالي وفالصورة مع بنتو "ايفا" والنجمة باريس هيلتون
تفاصيل مثيرة بزاف طالعوها على "لوديسك"