بالصور: المسيرة الفضيحة المفبركة ضد العدالة والتنمية. كلشي فيها مفروش: هازين شعارات ما مافهينهاش وهدرة كبيرة باين شكون مولاها: اولى الصور

بدأت أفواج المواطنين تتدفق على ملتقى شارعي الفداء ومحمد الساس(طريق مديونة سابقا)للمشاركة في مسيرة قيل انها ضد"أخونة المجتمع والدولة" والمتاجرة في الدين باسم السياسة. شكون دايرها وشكون عطاهم الرخصة وشكون جابهم من برشيد وخارج المدن؟ هاد الشي كلو غادي يتوضح من بعد
وعاينت"كود" تجمهر العشرات من المواطنين ،ابتداء من الساعة التاسعة صباحا،بملتقى الشارعين المذكورين ، رافعين لافتات تطالب برحيل عبد الاله ابن كيران،رئيس الحكومة المنتهية ولايتها .
وحملوا لافتات كتبت عليها عبارات من قبيل«فعاليات المجتمع المدني تستنكر ترشيح حمّاد القباج وتحمل حزب العدالة والتنمية كامل المسؤولية».«شكون قتل بنجلون؟..صاحب ابن كيران »،في إشارة إلى شهيد صحافة الاتحاد الاشتراكي للقوات الشعبية عمر بنجلون.
كلشي فهاد الصور كيبين انها مسيرة مفبركة كلشي فيها مفروش. ناس هازين شعارات كبار. المسيرة الفضيحة اللي رخص لها ايام قبل الانتخابات غير مسبوقة. الفرشة انها اعد لها سابقا رفع شعار ضد ترشيح القباج ومعروف ان السلطات المحلية بمراكش رفضت الترشيح وتم تعويضه من قبل الحزب بمرشح اخر بعد ان اختار ان يراسل الملك محمد السادس. هاد الشي كيبين باللي وجدو ليها هادي مدة ومن غباؤهم انهم خلاو شعارات قديمة
هذه مسيرة قد تكون خطيرة على الدولة وعواقبها وخيمة. علاش كيقلبو ماليها؟ اكيد على جوا منجل