سقراط ل"كود": درنا الدرة والفوقية باش نسخرو‫ من السلوكات المتدعششة والقادوسية فالمجتمع ‬

‎‫من بعد اللايف الشهير ديال الأسبوع لي فات ، ولي تسبب لينا فكم هائل من السبان والمعيور لمحمد سقراط وغيثة العلام حقاش بانو لابسين عادي فالدار وكيشربو بحال بنادم شي فان شي بيير، البارح فالفيديو الثاني اللي كان مباشر على الفايسبوك بانو بجوج بجلابة وزيف. ‬
‎‫سقراط قال ل"كود" بسبب أننا ظهرنا كزوجين كيعيشوا نمط حياة مختلف شوية ، هو موجود فالمغرب طبعا وكثير ولكن ماشي ظاهر متشارك مع الناس بحال هاكة ، ومن خلال الضجة لي ناضت والتعاليق حول زوجتي المصون لي كانت شبه عارية حسب رأيهم وحيث خليتها تظهر هكاك، علما أنها كانت بلباس مستور وفالصيف راه النص فالشارع لابسو ، قررنا بجوج أننا اثر هاد الضجة نديرو لايف هي بالحجاب وأنا بالفوقية ونعلنوا الثوبة ديالنا".‬
‎‫طبعا التوبة حسب مفهومهم "الثوبة لي جات نتيجة الكم الهائل من السبان والهجوم الغير مبرر علينا" يقول سقراط ل"كود" قبل ان يوضح "طبعا باش نسخروا من التمثل التقليدي للدين عند البعض ، ونسخروا من السلوكات المتدعششة والقادوسية فالمجتمع التي لا تربطها صلة بالدين الإسلامي بالخصوص ، أو أي من الشرائع الإنسانية ، درنا لايف باش نبينوا أنه راه مكاينش فرق بين رأس فوق منو حجاب أو بلاش ، الفرق لي كاين هو القيم والأفكار والثقافة لي عامر بيها هاد الراس"‬