الياس العماري يخلق الحدث. شكون هاد الباطرون للي عندو امبراطورية اعلامية واتهمه انه يدعي بانه صحافي وديما مع مخبر؟

كان حديث الصحافة والصحافيين واخا ما كتبوش عليه بزاف. تدوينة الياس العماري رئيس جهة طنجة تطوان الامين العام لحزب الاصالة والمعاصرة على صفحته على الفايسبوك نوضات الصداع. الياس العماري كتب اليوم "سألني صديق من بلد غير" صديق" عن شخص يدعي بأنه صحفي ، إلتقاه أكثر من مرة برفقة مخبر، في جولات سياسية علنية وسرية تخص القضية" واضاف "انتظر الصديق ان يكتب الصحفي عن الزيارة والقضية خبرا او تحليلا موقعا بإسمه أو بغيره من الأسماء الكثيرة في امبراطوريته الاعلامية ، وطال الإنتظار دون نشر الخبر" ثم ختم "كان جوابي على الصديق بان خبر الزيارات المتعددة نشرتها الوكالة الرسمية ،اعتذر الصديق مني وقال الان فهمت"
ناضت كلشي على شكون هاد الصحافي. كل واحد وكيقول كلمة وكيخمم فشي حد. كود حاولت الاتصال بالياس العماري وبالمقربين منه لمعرفة معطيات حول الاسم دون جدوى. معروف ان الياس ما يمكنش غير ينوض ويكتب شي تدوينة بحال هادي. يعني انه كيقصد شي حد. واش هو اللي كلشي كيفكرو فيه ولا حد اخر. المهم غير هو اللي يقدر يقول لينا شكون المعني وعلاش دارها واش كاينة شي خلافات فكرية مع المعني بالامر ام ان الامور شخصية؟ او ردة فعل على كتابة مقال او ما شابه ذلك؟