غادي تزيد تشعل بين شباط وحمدي ولد الرشيد وها شنو كيوجدو بجوج

القضية داخل البيت الداخلي لحزب الاستقلال غادي تزيد تشعل مزيان. فحسب مصادر استقلالية، ل"كود"، فإن الأمين العام للحزب يسابق الزمن ويعقد لقاءات ماراطونية مع قياديين داخل الحزب لقطع الطريق على القيادي الاستقلالي حمدي ولد الرشيد ومجموعته في جميع الاتجاهات.
وبدوره قرر القيادي الاستقلالي حمدي ولد الرشيد، حسب مقرب منه، مواصلة تمرّده على شباط، إلى جانب المجموعة 14 اللي فيها توفيق احجيرة وكريم غلاب وياسمينة بادو وغيرهم من القياديين الذين انتفضوا في وجه شباط وطالبوا برحيله من الحزب. (حمدي ولد الرشيد) غادي يدخل سخون على شباط يوم السبت فمقر الحزب اللي غادي يكون فيه الدورة الاستثنائية ديال المجلس الوطني.
وعلاقة بتلك الاجتماعات التي يعقدها كل من حميد ولد الرشيد وحميد شباط، نفى القيادي الاستقلاي الخادير العماري بطاحي، في تصريح ل"كود"، أن يكون له علم بلقاء كان سينظمه حميد ولد الرشيد بفندق البطحاء، الذي يسيره والكائن قلب المدينة العتيقة لفاس عصر اليوم.
وكانت أخبار قد راجت بقوة أمس الأربعاء وذهبت إلى أن القيادي الاستقلالي حمدي ولد الرشيد غادي يجي لفاس باش يدير لقاء مع الاستقلاليين ديال لمدينة لكن ربما وقعو ضغوط على صاحب الفندق واللي كينتمي لحزب الاستقلال وتلغى كلشي فآخر لحظة.