واش هاد المرة ثابتة. اجتماع الاخوة الاعداء في الاستقلال سالى بغلبة ولد الرشيد: ها البنود وها تاريخ المؤتمر الاستثنائي

واش هاد المرة الاستقلاليون غاديين يشدو فكلمتهم وينفذو على ما تم الاتفاق عليه؟ فحسب مصادر استقلالية ل"كود" وقع اليوم الخميس 13 ابريل 2017 كلا من عبد القادر الكيحل عن الامين العام وحمدي ولد الرشيد عن الغاضبين وبوعمر تغوان ومحمد السوسي وعبد الواحد الفاسي داخلين بخيط ابيض. اهم قرار هو عقد مؤتمر استثنائي يوم 29 ابريل اي بعد ازيد من 15 يوما تقريبا
وحضر الاجتماع اللي كان فالرباط كذلك حميد شباط. وقد تم الاتفاق على عدد من النقاط =انظر الوثيقة المنشورة=. ما يلاحظ ان تيار ولد الرشيد خرج منتصرا. فقد تم القبول بجميع شروط هذا التيار واهمها فتح الترشيح لجميع الاستقلاليين وهو ما يعني تغيير الفصل 54 بلغة اوضح قربو الطريق لنزار بركة باش ياخد بلاصة حميد شباط. كما تم تغيير الفصل 92 ويهم اللجنة التحضيرية اللي غادية تعاد بالاضافة الى مراجعة التمثيلة الجهوية في المجلس الوطني وتاخد بعين الاعتبار الفوز بالانتخابات وووو.
هاد الشي جا بعد تضييق الخناق على شباط وصحابو وبعد وصول 250 استقلالي من جهتي طاطا وتارودانت "سدينا الباب على شباط من كل الاتجاهات" تؤضح قيادية ل"كود"