شاعلة بين غاريدو وياجور المدرب جرى عليه من التداريب ومغاديش العبو مع طنجة

ساءت العلاقة بين المدرب الاسباني غاريدو ومحسن ياجور، لاعب الفريق، بعدما غيروا في المباراة ديال الفتح، بعد نهاية الشوط الأول.
ياجور معجبوش الحال واحتج على التغيير وغاريدو الاسباني حتى هو تقلق لأن اللاعب محترمش القرار ديالو، ووقع خلاف بيناتهم، بعد نهاية الشوط الأول، خصوصا أن ياجور ضيع بزاف ديال الفرص وغاريدو معجبوش الحال، وحتى الجماهير نتاقدات ياجور بزاف.
وقرر غاريدو أنه اجري على ياجور من التداريب ومخلاهش ادرب مع الفرقة البارح، وقرر أنه ميمشيش مع الفرقة لطنجة لأنه موقوف من قبل الطاقم التقني، وغادي تكون هادي أول مرة غادي اغيب فيها ياجور عن الرجاء من نهار رجع للفرقة، وهاد المرة ماشي بسبب الإصابة ولكن بسبب اختيارات المدرب.
ومن المحتل أن المكتب المسير اعرض ياجور على اللجنة التأديبية لأنه لم يحترم قرار المدرب ديال الفريق، واحتج عليه، وهذا سلوك مرفوض من لاعب محترف في فريق كبير بحجم الرجاء.