بنعرفة وصحابو فالامانة العامة دايرين الرقابة على بنكيران. طيرو كلمتو فالشبيبة

اعضاء من حزب العدالة والتنمية ومناضليه طالع ليهم الدم والسبب الرقابة المفروضة على كلمة عبد الاله بنكيران الامين العام السابق في مؤتمر شبيبة الحزب الاخير. طبعا اللي دار الرقابة هما ابن عرفة وصحابو. الكلمة حركات السياسة ونوضات الحركة وشعلات العافية فالتحالف الحكومي ولكن بغات هاد الامانة العامة تتبرا منها وما تقلقش الحلفاء وطيراتها كاع.
اليوم فالصباح وهادي ايام نايض عليها الصداع من قبل ناس الحزب. نزار خيرون من ناشطي الحزب "نريد توضيحاً من الأمانة العامة حول السبب المباشر وراء حذف كلمة الزعيم ابن كيران !!" وقبلو بزافت الناس سولات نفس السؤال.
القضية هاد الرقابة ما دارتش اليوم راه نهار دار كلمتو الشهيرة اللي هاجم فيها عزيز اخنوش رئيس التجمع وصرفق فيها ادريس لشكر ديال الاتحاد ما نشروش ملخص منها ملخص مكتوب وبثوا الكلمة قبل ما يحذفوها. حذف غير سياسي وصافي حقاش انتشارها كبير بزاف بزاف بزاف