صدمة في “أخبار اليوم”. ودابا واش كاين شي اتجار فالبشر. زوج إحدى المشتكيات لي بغا تعويض ديال 100 مليون سنتيم رجع البيروه بحالا مكين والو

اليوم كان استثنائي في مقر جريدة “أخبار اليوم” في كازا. الصحافيين والتقنيين بقاو مصدومين ملي دخل عليهم مبارك لمرابط، زوج اسماء الحلاوي لي كتقدم راسها كضحية توفيق بوعشرين لي حكمات عليه المحكمة ب 12 عام، وتعويض ليها قيمتو 50 مليون سنتيم.
الموظفين معرفو راسهم باش تبلاو، واش يسلمو عليه ولا يتجاهلوه. خصوصا انه قدم راسو كضحية وبغا تعويض ديال 100 مليون سنتيم، لكن المحكمة نهار الجمعة رفضات ليه.
لمرابط دخل بكاع برود المقر الجريدة، وتصرف بطريقة عادية جدا، بحالا مراتو مدايرة والو. المهم جلس فبيروه، وبغا يرجع المنصب ديالو.
بنادم تما تدعق، معرفوش كيفاش يتصرفو معاه نهائيا، وقال ليهم دابة سالات مدة الشهادة طبية ديالي، وغادي يرجع يخدم.