إنفراد.. الوزير الرميد دار لقاء مع أمينة ماء العينين وتقلق عليها.. وزير الدولة ل”كود”: هاد الموضوع غادي نهضر فيه فوقتو

علمت “كود”، أن مصطفى الرميد، وزير الدولة المكلف بحقوق الإنسان، عقد قبل يومين لقاء مع النائبة البرلمانية أمينة ماء المعينين، القيادية البارزة في صفوف العدالة والتنمية، واللي اكثر عليها نقاش واسع ف الإعلام وعلى مواقع التواصل الاجتماعي بسبب ظهورها بلا حجاب ففرنسا.
وحسب مصادر مطلعة، ل”كود”، فإن الوزير الرميد تقلق بزاف على أمينة وعاتبها على داك الصور ديالها لي دارو ضجة كبيرة، مشيرة إلى أن الوزير الرميد اعتبر فهاد اللقاء لي جمعو بأمينة أن هاد القضية لا تتمشى مع المرجعية الإسلامية اللي غادي عليها “البي جي دي” منذ تأسيسه ودافع عليها ولم يقبل التراجع عنها مهما كلف الأمر ذلك.
“كود” أجرت اتصالاً مع الوزير الرميد وسولاتو على هاد اللقاء لي كان انهار الجمعة الماضي، لكن رفض يهضر عليه، مكتفيا بالقول: “مغاديش نقولو والو على هادشي وغادي يجي الوقت قريب فاش غادي نهضر عليه”.