بعد ما لاحو امينهم العام وداو الحكومة. ابن عرفة وبراحو الخلفي كيضحكو على الصحافة كاليك نديرو صفحة جديدة مع الصحافة. وراه الناس ما كتشمكمش ولا وانت ولا سيدك ابن عرفة وما غادينش طفروه

يعقد في هذه الاثناء براح حكومة بن عرفة لقاء فالرباط جمع عليه الصحافيين اللي كيحضرو للقاءاتو الاسبوعية بعد المجالس الحكومية. شوفو باش تعرفو هاد الخلفي شحال متخلف حتى فالتواصل. كيفاش تدعو الناس اللي كيجيو عند سيادتكم.
اللقاء حضروه مدراء التواصل او مستشاريه عند وزراء حكومة بنعرفة. هاد البراح اللي فيه غير الشفاوي جمع كلشي وجاب ليهم ابن عرفة البي جي دي باش يحضر.
بلا ما نزيدو نهدرو على الحضور وكيفاش هاد الخلفي مازال متخلف فراسو كيعرض غير على اللي كيحضر ليه وباغي يخرج رئيس حكومة مكروه من الصحافة والشعب من هاد الورطة٬ بلا هاد الشي السيد كان داير مع العشرة وقلبها مع التسعود وما خبرش الناس خاصة اللي مكلفين بالتواصل عند الوزراء
الخلفي كولشي عارفك باللي تخليتي انت وهادوك اللي معاك فالبي جي دي على امينكم العام باش تبقاو فالحكومة. هاد الشي ديال الريف جا بحال شي انتقام منكم. كشف عورتكم كشف ضعفكم كشف حجمكم.
تلاقى مع الصحافة وهاد الشي جا ماخر بزاف بزاف ولا ما تلاقش حتى حد ما يديها فيك. غادية تبقى هاد الحكومة منحوسة مكروهة