ديزي دروس: درت الرُعْب فالبيكَ وكان ممكن نجبد ضواسة كثر عليه من داكشي ديال “المتنبي”

رجع الرابور عمر السهيلي Aka ديزي دروس باش يدوي على الكلاش بينو وبين دون بيكَ، وقال أن اغنية “170 كيلو” كان هو المقصود منها بشكل مباشر والتصويرة لي دار توفيق حازب دارها غير باش يعمر البوسطير وخلاص.
هاد الهضرة قالها عزي عندو ستيلو في برنامج “في قفص الاتهام” على “ميد راديو” مع الرمضاني هاد العشية.
وقال ديزي أن 7 دقايق و18 ثانية لي دار في كلاش “المتنبي” كل كلمة كانت مقصودة، وناس معروفين شكروه حيت قال الحقيقة لي معروفة وسط الدومين وحتى واحد مقادر يخرج ويدوي.
واعتبر الرابور أنه شاف الرعب في عينين البيكَ ملي دار لايف كيدوي فيه على “المتنبي” وقال أنه عجبو وفنيا مزيان.
وأضاف أنه كون كان عندو القدرة كون جبد ضواسة كثر من داكشي لي قال في “المتنبي”، والحاجة الوحيدة لي ربح البيكَ من هادشي هو أنه ولاو عندو اللايكات كثر من شحال هادي.
رابط الحلقة:
https://m.youtube.com/watch?v=YPwUaEKg7Rg