تصعيد خايب.. المكفوفين المعطلين يعلنون عن انتحار جماعي احتجاجا على الحكومة والوزيرة الحقاوي ل”كود”: داكشي لي وعدا بيه راه كاين

omarelmouzaine@gmail.com
تصعيد خايب بزايد غادي يديرهوم المعطلين المكفوفين حاملي الشهادات. التنسقية ديالهوم كشفات فواحد الرسالة موجهة للحكومة أنهم غادي يضحيو براسهوم بشكل جماعي، نظرا للظروف التي وصوفها ب”القاسية والتهميش والإقصاء وفقدان العزة والكرامة” اللي عايشينها منذ عام 2011.
هاد الظروف بقات مستمرة إلى اليوم، ونحن نطالب بأبسط حقوقنا والمتمثلة أساسا في حصول هذه الفئة على حقها المشروع في العمل وإدماجها في الوظيفة العمومية لضمان العيش الكريم. تقول التنسيقية في بلاغ لها.
واتهمت التنسيقية المذكورة الحكومة بما أسمته عدم تلبية الوعود التي قطعتها في حق هذه الفئة منذ انتخابها وتوليها مهامها، وكذا انعدام نية الحكومة في إيجاد حلول جادة لهم من خلال ما عبرت عنه وزيرة التضامن والأسرة في حوارها معهم بتاريخ 19 فبراير 2019.
من جهتها، أكدت بسيمة الحقاوي، وزيرة التضامن والمرأة والأسرة والتنمية الاجتماعية، أن داكشي لي كانت الحكومة واعدات بيه هاد الفئة تمت تلبيته، وقالت في تصريح لكود: “داكشي لي واعدنا بيه ديال تنظيم الامتحانات الخاصة درناه ونظمنا الامتحان الخاص للأشخاص في وضعية إعاقة”.
وأضافت الوزيرة الحقاوي قائلة: “خرجات النتيجة ديال 50 منصب لي كنا واعدنا بيها وقانون المالية كاين فيه دبا 200 منصب إضافة إلى 7 في المائة. وهادشي لي كنا واعدنا بيه توفقت به الحكومة، ومزال انشاء الله فهاد العام غادي تنزل قانون المالية وما جاء من الاتزامات”.